It is now time to create awareness about herbal products,

says M. Rashid Hashmi   

Chief Executive HashimTajir Surma

Part B

Part C

Part D

Part F

محمد ہاشم تاجرسرمہ کے چیف ایگزیٹو حکیم محمد راشد ہاشمی سے ایک خصوصی ملاقات

انٹرویو: خاور مجید / عکاسی: شکیل انجم فاروقی

نباتاتی مصنوعات اور ادویہ بلاشبہ بڑی تیزی سے پوری دنیا میں توجہ کا مرکز بنتی جارہی ہیں ، پاکستان میں ہربل مصنوعات کو فروغ دینے اور ان مصنوعات کے بارے میں شعور اجاگر کرنے کے حوالے سے جیوے پاکستان نے پاکستان میں موجود ہربل برانڈز  اور ان کی سرگرمیوں پر روشنی ڈالنے کیلئے اس رپورٹ پر کام کرنا شروع کیا ۔ مندرجہ بالا مقاضد کو سامنے رکھتے ہوئے اس بات کا بھی خیال رکھا گیا  کہ ہربل مصنوعات کی تیاری اور کوالٹی یا ان کے سايئڈ افیکٹس  کے حوالے سے جو خدشات سامنے لائے جاتے ہیں ان پر بھی بات ہو اور غلط فہمیوں کو  دور کیا جائے ، چناچہ گزشتہ نشست میں  ہم نے محمدہاشم تاجر سرمہ کے پراجیکٹ ڈائیریکٹر جناب ظہیر بابر ہاشمی صاحب سے بات چیت کی ،جنہوں نے ہاشمی سرمہ اور دیگر مصنوعات  پر کھل کر اظہار خیال کیا  اور سرمے کے حوالے سے مختلف خدشات کو بے بنیاد قرار دیا ۔

آج دنیا  بھر میں ہاشمی سرمہ اور پاکستان کا نام ایک ساتھ لیا جاتا ہے

پاکستان میں ہربل  مصنوعات کی تیاری کے لئے نئے سرے سے تحقیق اور ان مصنوعات کو دور حاضر کے تقاضوں سے ہم آہنگ کرکے ان کے استعمال سے لوگوں کی زندگیوں میں صحت کو فروغ دینا یقینا محمد ہاشم تاجر سرمہ کا کارنامہ  ہے  اور یہی نہیں پوری دنیا میں اپنی مصنوعات کو متعارف کروا کرمحمد ہاشم تاجر سرمہ نے  پاکستان کو اس شعبہ میں نمایاں مقام دیا ہے چناچہ آج دنیا  بھر میں ہاشمی سرمہ اور پاکستان کا نام ایک ساتھ لیا جاتا ہے ۔ساری میں دنیا میں اپنی مصنوعات کو متعارف کروانے سے پہلے اسے جدید دور کی ضروریات اور معیار کے مطابق ڈھالنے کیلئے ہاشمی سرمہ  نے جس طرح بین الاقوامی معیار کی تحقیق کواپنایا   اس کا کریڈٹ حکیم محمد راشد ہاشمی کو جاتا ہے جوآنے والے دور کو ہربل مصنوعات کا دور کہتے ہیں اور اس وقت محمد ہاشم تاجر سرمہ کے چیف ایگزیکٹو ہیں ۔

پاکستان میں ہربل مصنوعات کے فروغ میں ہاشمی فیملی کے کردار  پرروشنی ڈالنے اور ہاشمی کی مصنوعات کے استعمال اور فوائد کو جاننے کیلئے حکیم محمد راشد ہاشمی سے ایک دلچسپ گفتگو ہوئی جس کا احوال پیش  خدمت ہے ۔
 

Part E

Part G

Surma itself is a Science,

says Zaheer Babar Hashmi,

Project Director HashimTajir Surma

Part B

Part C

Part D

Part E

محمد ہاشم تاجرسرمہ کے پراجیکٹ ڈائیریکٹر ظہیر بابر ہاشمی  کے ساتھ ایک خصوصی گفتگو

انٹرویو: خاور مجید / عکاسی: شکیل انجم فاروقی

عصر حاضر میں قسم قسم کے سرمے، کاجل اور ادویات کا استعمال عام ہے، کحل پس منظر میں صدیوں پرانی تاریخ رکھتا ہے یہاں تک کہ صرف ہمارے اپنے خطے اور تہذیب میں سینکڑوں سالوں سے آنکھوں کے حسن میں اضافہ کرنے اور انکی قدرتی حفاظت کا ضامن سمجھا جاتا ہے۔ اس جدید دور میں عام استعمال ہونے والے مختلف قسم کے سرمے اور کاجل پر نظر ڈالیں تو ہاشمی سرمہ ایک ایسا نام ہے جو پوری دنیا میں ممتاز حیثیت رکھتا ہے۔
ہاشمی سرمہ کی تاریخ دو صدیوں سے زیادہ عرصے پر مشتمل ہے، یہ کمپنی 1794 ء میں بریلی ، انڈیا میں حکیم محمد ہاشم نے قائم کی تھی، قیام پاکستان کے بعد ہاشمی فیملی کراچی آگئی اور یہاں اس ادارے کو نئے سرے سے مستحکم کیا گیا، نسل در نسل اس کاروبار سے وابستہ ہاشمی فیملی جدید دور کے تقاضوں کو سامنے رکھتے ہوئے ہاشمی سرمے اور کاجل کو پوری دنیا میں متعارف کروایا، اس وقت ہاشمی خاندان کی پانچویں جنریشن اس ادارے اور اس شعبے کی خدمت کررہی ہے۔ محمد راشد ہاشمی کے ساتھ ان کے دیگر بھائیوں نے بھی اس کاروبار میں حصہ لیا اور ہاشمی برانڈ کو مستحکم کرنے میں بھرپور ساتھ دیا۔
انسانی صحت  اور ہربل مصنوعات کے حوالے سے ہاشم تاجر سرمہ کے پراجیکٹ ڈائریکٹر جناب ظہیر بابر ہاشمی کے ساتھ ایک نشست رکھی گئی جس کے دوران ہونے والی گفتگو پیش نذر ہے۔
پاکستان میں ہربل انڈسٹری
پاکستان میں ہربل انڈسٹری کے حوالے سے گفتگو کرتے ہوئے بابر ہاشمی صاحب نے کہا کہ انہیں ہربل انڈسٹری کا مستقبل بہت روشن دکھائی دیتا ہے، خصوصًا اودیہ کے پس منظر میں دیکھیں تو ایلوپیتھی کی دنیا میں ہم امراض کے علاج کے سلسلے میں پہلی، دوسری سے ہوتے ہوئے تیسری جنریشن کی ادویات تک آگئے ہیں، اب واحد حل ہربل مصنوعات اور ادویہ ہیں جو قدرتی ہونے کی وجہ سے بے ضرر بلکہ سائیڈ افیکٹس سے بھی بالکل پاک ہیں۔
انہوں نے کہا کہ آج دنیا تسلیم کرچکی ہے کہ قدرتی، قدرتی اور بہتر ہے، ہماری صحت کے لئے موزوں ہے جس کی سب بڑی دلیل تو یہ یہی ہے کہ قدرت ہمارے لئے ہے۔ چناچہ ہمیں مل کر اس سسٹم کیلئے کام کرنا چاہئے۔
ہربل انڈسٹری میں انقلابی ترقی کے حوالے سے حکومتی کردار پر روشنی ڈالتے ہوئے بابر ہاشمی نے کہا کہ حکومت کو اس جانب خصوصی توجہ دینے کی ضرورت ہے کیونکہ اس کی بہت گنجائش موجود ہے، حکومتی سرپرستی سے یہ فیلڈ پھلے پھولے گی۔
بابر ہاشمی نے ہربل سسٹم کی افادیت پر روشنی ڈالتے ہوئے کہا کہ یہ ٹائم ٹیسٹڈ (Time tested) ہے، ہربل سسٹم کے رائج طور طریقوں اور قوانین کو دوبارہ ٹیسٹ کرنے کی ضرورت نہیں، چناچہ صرف اس شعبے کی خدمت کرنے والے اداروں اور لوگوں کو حوصلہ فراہم کرنے اور پہچان دینے کی ضرورت ہے، یہ شعبہ ہماری میراث ہے۔ اس کو ترقی دیکر ہم پوری دنیا اپنے ملک کا نام روشن کرسکتے ہیں۔
دیگر صنعتوں سے موازنہ کرتے ہوئے ہاشمی نے کہا کہ ہربل مصنوعات کی ایکسپورٹس کو بڑھانے کیلئے ٹیکسٹائل کے شعبے کی طرح ہربل سیکٹر کو بھی ترجیحات دینی چاہئیں۔

فرزانہ دواخانہ

فرزانہ دواخانہ کے بانی حکیم نثار محمد خان کے فرزند ڈاکٹر حکیم محمد عمران خان سے ایک خصوصی انٹرویو

آج کل کی مصروفیات اور ناقص غذاؤں کی وجہ سے مختلف انواع کی بیماریاں عام ہوگئی ہیں مثلاً دل و دماغ کی بیماریاں بلڈ پریشر ، گیس معدہ اور آنتوں کی بیماریاں آنکھوں کے امراض ذیابیطس اور کینسر وغیرہ۔ ابتدائی مرحلے میں ہی ان بیماریوں پر قابو پایا جاسکتا ہے۔ اسی وجہ سے فرزانہ دواخانہ و ہربل ریسرچ سینٹر کے بانی حکیم نثار محمد خان نے قدرتی جڑی بوٹیوں (نباتات) کی خانہ ساز طریقے پر 1946سے تحقیقات شروع کیں اور ذات باری تعالی کے حکم سے دن رات کی گوں ناگوں کوشش اور تحقیقات سے مختلف بیماریوں کے لئے نسخہ جات دریافت کرکے بنی نوع انسان خدمت کیلئے وقف کردئے ۔
سوال : سب سے پہلے ہمیں اس دواخانے کے قیام اور بانی دواخانہ حکیم نثار محمد خان کے متعلق بتائیے ؟
جواب : میرے والد حکیم محمد نثار خان نے 1946 میں دہلی سے دواخانے کا آغاز کیا ، آپ اس کو ہربل ریسرچ سینٹر کا نام بھی دے سکتے ہیں ۔ پاکستان بننے کے بعد ہم 1948 میں کراچی شفٹ ہوگےر اور یہاں سے فرزانہ دواخانہ کے نام سے یہ سلسلہ شروع کیا۔
سوال: آپ نے اس طریقہ علاج کو کیسے بہتر سمجھا اور کیونکر اپنایا ؟
جواب : سب سے بڑی وجہ گھریلو ماحول ، والد صاحب کی خدمات اور وہ علم جو ہمیں ورثہ میں ملا لیکن میں نے اور میرے بہن بھائیوں نے اس علم کو باقاعدہ پڑھا اور سمجھا ، تجربے کی روشنی میں اس کو قدرتی طریقہ علاج ہونے کے سبب سب سے موثر پایا ۔ میں خود ہمدرد کا طالب رہا اور حکیم سعید صاحب کے تجربات اور تحقیق سے فائدہ اٹھایا ، میں حکیم سعید صاحب کو اس شعبے میں اپنا روحانی باپ سمجھتا ہوں ۔
سوال : ہربل ادویات کی تیاری میں کونسی اشیا ء پر انحصار کیا جاتا ہے ؟
جواب : طب میں ادویات کی تیاری کیلئے قدرتی جڑی بوٹیاں ، دھاتیں ، نمکیات اور نباتات کا استعمال کیا جاتا ہے ، جس کی ان گنت اقسام ہیں ۔
موجودہ دور کے موذی مرض شوگر کے متعلق سوال پر انہوں نے کہا کہ ایلوپیتھک طریقہ علاج میں شوگر کا کوئی علاج نہیں ، اس کی دوا سے آرام تو آتا ہے ، مرض ختم نہیں ہوتا ۔ جبکہ طب شوگر کو مختلف انداز سے دیکھتا ہے اور الحمداللہ فرزانہ سے شوگر کئی مریض مکمل شفایاب ہوئے ہیں ۔ ہر مریض پر شوگر کے مختلف اثرات ہوتے ہیں اور ہم اس کا مختلف طریقے سے علاج کرتے ہیں ۔ مثلاً عرق گلاب ، کریلا ، جامن اور مختلف جڑی بوٹیاں بھی ہیں لیکن ہماری ترجیح یہ ہوتی ہے کہ مریض بیماری کو اپنے ذہن پر طاری نہ کرے ، اسے واک کرنے کے ساتھ ساتھ ہلکی پھلکی ورزش کرنے کا کہا جاتا ہے ۔
سوال : ہندوستان میں یونانی طب یا طریقہ علاج اور اس کی ادویات کو سرکاری سرپرستی حاصل ہے ، ہمارے ہاں ایسا کیوں نہیں ؟ کیا اس سلسلے میں مختلف اداروں کی طرف کوئی کوشش نہیں کی گئی ؟
جواب : پاکستان میں سرکاری سطح پر طب کو کبھی بھی پذیرائی نہیں ملی ، جو کہ افسوسناک ہے ۔ اس ضمن میں پاکستان طب فارماسوٹیکل ایسوسی ایشن اور ہربل مصنوعات بنانے والے دیگر ادارے ایک عرصے سے یہ جنگ لڑ رہے ہیں کہ ہربل میڈیسن یا طریقہ علاج کو سرکاری سطح پر تسلیم کیا جائے اور مزید تحقیق اور تحقیق شدہ ادویات سرٹیفائی کیا جائے لیکن حکومت نے آج تک ہربل ڈرگ ایکٹ منظور نہیں کیا

سوال : آج کل کونسی بیماریاں عام ہیں ؟
جواب : ورزش کا رجحان کم ہونے ، فاسٹ فوڈ کی زیادتی ، مصنوعی کھاد اور مختلف زہریلی ادویات کے استعمال نے ہمارے معدے پر منفی اثرات ڈالے ہیں ، جس سے گیس ، ہائی بلڈ پریشر ، نزلہ اور خاص طور پر جوڑوں کا درد بہت عام ہے جس میں اب عمر کی بھی کوئی قید نہیں ۔نوجوان نسل نے اپنا لائف اسٹائل بدل دیا ہے اور کئی قسم کی بیماریوں کا شکار ہیں جن میں ایسی بھی ہیں جن کا ذکر کرتے ہوئے وہ شرم محسوس کرتے ہیں ۔

جب حکیم محمد عمران سے اس کا حل پوچھا گیا تو انہوں نے جیوے پاکستان کے پلیٹ کے ذریےم نوجوان نسل اور عام عوام کو یہ پیغام دیا کہ وہ اپنے معمولات زندگی میں مثبت تبدیلی لائیں ، کھانے اور سونے کے اوقات صحیح کریں اور ورزش کو اپنی روز مرہ زندگی کا حصہ بنائیں ۔

فرائی کی ہوئی اشیا ء اور فاسٹ فوڈ سے پرہیز کریں ، کوشش کریں کہ شوربے والا سالن استعمال کریں ، کولڈ ڈرنگ ، آئسکریم اور دیگر ٹھنڈی اشیاء سے پرہیز کریں ۔
غذا اور اس سے متعلق سوال پر انہوں نے کہا کہ کوشش کریں کے خالص گھی کا استعمال کریں ، کھانے میں ادرک کے استعمال کو بڑھائیں ، انڈہ کھاتے وقت کالی مرچ اور نمک کا استعمال ضرور کریں ۔ جبکہ سبزی کے شوقین افراد گوبھی ، بینگن ، آلو ، بھنڈی اور مٹر کی ہانڈی تیار کرتے ہوئے گرم مصالحے کا استعمال ضرور کریں ۔
بکرے کا گوشت تھوڑا ہی سہی مگر غذا کا حصہ ضرور بنائیں ، گوشت کا شوربہ بہترین سوپ ہوتا ہے جو غذائی ضروریات کو بھرپور طریقے سےپورا کرتا ہے
سوال : عام طور پر دیکھا گیا ہے کہ آپ کی نئی تحقیق اور ادویات صرف آپ کے مطب تک ہی محدود رہتی ہیں ، اس کی کیا وجہ ہے ؟
جواب : جب تک سرکار ہمیں تحقیق اور اودیات کو مستند قرار دینے والا کوئی ادارہ قائم نہیں کرتی ، ایسا تو ہوگا ۔
سوال : ہم اگر اپنا اور یورپ کا موازنہ کریں تر وہ لوگ ہمیں زیادہ صحت مند نظر آتے ہیں ، ایسا کیوں ہے ؟ موسمی اثرات ہیں یا کچھ اور ؟
جواب : میں خود یورپ میں ایک طویل عرصہ گزار چکا ہوں اور جو فرق میں نے دیکھا ہے وہ کھانے اور نیند کے متعین اوقات ہیں جبکہ ورزش ان کی زندگی کے معمولات کا حصہ ہے ۔
سوال : آپ جیوے  پاکستان کے پلیٹ فارم سے نوجوانوں کو کیا پیغام دینا چاہتے ہیں ؟
جواب : میں نے کیا پیغام دینا ہے ، ہمارا مذہب نےزندگی گزارنے کا ایک آسان طریقہ بیان کیا ہے ۔ ہم اگر مذہب کو اپنی زندگی میں شامل رکھیں تو کوئی مسئلہ مسئلہ نہیں رہے گا ، دنیا کے سب مذاہب میں اسلام ہی ایک متوازن مذہب ہے جو زندگی گزارنے کے بہترین اصول مہیا کرتا ہے ، جس سے آپ کی زندگی بھی آسان ہوجائیگی اور آنے والی زندگی بھی بہتر ہوگی ۔انشاااللہ ۔پاکستان زندہ باد !